bostanbilim

Халықаралық ұйымдардың мәліметтері бойынша жыл сайын мыңдаған ерлер, әйелдер және балалар өз елдерінде де, одан тыс жерлерде де адам саудасының құрбаны болып жатады. Бұл трансұлттық қылмыстың шекарасы жоқ және қылмыстық тізбектегі рөліне қарамастан мемлекеттерге әсер етеді. 2013 жылы БҰҰ Бас Ассамблеясының қарарымен Дүниежүзілік адам саудасына қарсы күрес күні болып 30 шілде ресми түрде жарияланды. Қазақстан халықаралық келісімдердің қатысушысы ретінде БҰҰ-ның Трансұлттық ұйымдасқан қылмысқа қарсы конвенциясының және адам саудасының алдын алу және жолын кесу туралы Хаттаманың ережелерін басшылыққа алады.