«Парасат шаңырағы»

Алматы қаласында алғаш рет ұлттық құндылықтарға негізделген ерекше білім беру кеңістігі – «Парасат шаңырағы» оқу кабинеті ашылды, кабинет ұлттық стильде жасақталған киіз үй форматында жабдықталды. Кабинет ішінде ұлттық нақыштағы бұйымдармен қатар, қазіргі білім беру талаптарына сай оқу құралдары орналастырылып, этнопедагогика бағытындағы сабақтар өткізіледі.
Ашылу салтанатына ардагер ұстаздар, ғалымдар, білім беру ұйымдарының басшылары, ата-аналар, оқушылар және БАҚ өкілдері қатысты. Қонақтар қатарында Аягүл Төреқызы Миразова, Серикжан Байгуттинов, Жанар Оразымбет, Гульшара Есетова, Кайыркен Кунафина, Раушан Оразалиева және Рая Ескендір болды.
Іс-шара барысында қонақтарға кабинеттің таныстырылымы ұсынылып, оқушылардың қатысуымен ұлттық мәдениетті дәріптейтін мерекелік бағдарлама ұйымдастырылды.
Мерекелік сәт Алатау телеарнасы арқылы түсірілді.